Салбанская сельская библиотека

Аан дойдутааҕы музей күнэ кэлэн иһэринэн Наталья Николаевна Жиркова аатын сүгэр кыраайы үөрэтэр музей аһаҕас аан күннэрин биллэрбитэ.
,,Түмэл» уруккуну, билиҥҥини ситимниир нэһилиэк олоҕун, историятын кэпсиир, үйэтитэр нэһилиэккэ биир саамай олус диэн туһалаах тэрилтэ буолар. Түмэл салайааччыта Дария Афанасьевна Лугинова ,,Түмэл күнүгэр» аһаҕас аан нэдиэлэтин биллэрэн, тэрээһиннээхтик ыытта. Суббота күн нэһилиэк тыыл бэтэрээнин, сэрии оҕолорун, олохтоох Аҕа саастаах көлүөнэ дьону ыҥыран сэргэхситтэ. Соҕотох тыыл ветерана М. А. Олесова ахтыы оҥордо, ону тэҥҥэ Аҕа дойду сэриитин ветеранын оҕолоро төрөппүттэрин санаан ахтыы- кэпсэтии буолла. ,,Бу барыта уһуллунна, аны тиһиллэн видео оҥоһуллан дьон-сэргэ көрүүтүгэр тахсыаҕа,, диэн түмэл салайааччыта билиһиннэрдэ. Түмэл экспонатын, малын- салын хаҥатар сыалтан мал аҕалбытттарын туттардылар. Ветеран сэбиэтин салайааччыта П.П.Корякина өр сылларга Салбаҥ нэһилиэгэр үтүө-суобастаахтык фелдшерынан үлэлээбит сэрии оҕотун ветераныгар Ван Син Чин Зоя Михайловнаҕа анаан оҥорбут папкатын ону таһынан ,,Саһарбыт хаартыскалар кэпсииллэр,, диэн, Салбан олохтоохторун төрөппүттэригэр анаммыт папкаларын бэлэх биэрдэ. Олохтоох библиотека аатыттан ,,Кыыс кэрэ Нам сирэ»кинигэни бэлэх биэрдибит. Бүтэһигэр Дария Афанасьевна музей нэдиэлэтигэр ыалдьыттаабыккытынан диэн хас биирдии киһиэхэ махтал суругунан уонна коробка шоколадынан күндүлээтэ. Ис киирбэх үчүгэй тэрээһин буолла. Дьиэҕэ олорор аҕа саастаах көлүөнэ дьон дуоһуйа сынньанан тарҕастылар.
 Ыам ыйын 17 күнүгэр 11ч
Улуу Кыайыы 80 сылынан «Кыайыы суолун устун » диэн ахтыы күнүгэр ,Улуу Кыайыыны уһансыбыт дьоннорбут ахтыыларын, малларын, хаартыскаларын бэлэх