Салбанская сельская библиотека

Олунньу ый 3 чыыһылатыгар, кырачааннарбытыгар сөптөөх бырааһынньык булан ылан тэрээһин оҥордубут. Хас биир киһи барыта сонугар иилиллэ сылдьар, ханна да сүппэт, сүтэрбэт гына сонугар эрэһииҥкэнэн туттарыллыбыт  үтүлүктээх оҕо саадыгар сылдьыбыт кэмнэрин умнубата буолуо. Төрөппүттэрбит барахсаттар өйдөрүн көрүҥ, хайдах курдук толкуйдаабыттарын. Оҕо кырдьык үтүлүгүн устара элбэҕин,ол аайы үтүлүк сүтэрин , оҕо илиитэ тоҥмотун толкуйдаан айан оҥордохторо. Эрэһиинэлээх үтүлүктээх сылдьыбыт оҕо саас кэрэтин бары ахтан ыллаххыт.

Төһө да аныгы олох буолтун, үтүлүк арааһа элбэҕин да иһин билигин даҕаны уһуйааммыт оҕолоругар үтүлүктэрин инник эрэһииҥкэлиир төрөппүттэр бааллар эбит. Улахан группа оҕолоро хоп курдук эппиэттэһэн иһэллэр. Киһи кэпсиирин болҕойон истэллэр. Проекторынан көрдөрөн араас үтүлүктэр баалларын, ийэлэргит, эбээлэргит үтүлүк саптаах списсэнэн баайалларын, араас өҥнөөх дьэрэкээн үтүлүктэри баайалларын билиһиннэрдибит. Үтүлүк уруһуйун кырааскалаттыбыт. Ол кэннэ  «Варежки» 1967 сыллаах ойулугу көрдөрдүбүт. Оҕолор олус үөрдүлэр, урукку ойулук диэбэккэ олус сэргээн көрдүлэр. Ол кэннэ кинигэ ааҕар дьиэтигэр сылдьар дьон быһыытынан  сөбүлүүр кинигэлэрин көрдүлэр иһиттилэр. Сорох кинигэлэрин аахтараары, көрөөрү иитээччилэригэр Илаана Семеновнаҕа этэннэр суруйтараннар уларсан ыллылар. Кыра ааҕааччыларбар  кыра минньигэс бэлэх туттартаатым  үөрүүлэрэ-көтүүлэрэ элбээн уһуйааннарыгар таҕыстылар.  Күммүтүн – дьылбытын  уһатар кырачаан оҕолорбут. Кинилэр үөрүүлэриттэн биһиги дьоллонобут.