Салбанская сельская библиотека

Олунньу ый 27 чыыһылатыгар ыаллыы олорор үс кырыы нэһилиэктэр Салбан, Таастаах, Искра буоламмыт улуустааҕы национальнай библиотека проегынан «Книжный путь великой победы» тэрээммитин сэргэхтик ыыттыбыт. Таастаах нэһилиэгэр саҥа аһыллыбыт многофункциональнай КСК -ар дьиэлэнэн олорон үлэлиир библиотека салайааччыта Сивцева М.С, кыракый, кыараҕас хоһугар үөрэ-көтө көрсөн, итии үүттээх чэйин, астаах сандалытын тардан кэбистэ, ирэ -хоро чэйдээн, бэлэмнэнэн тэрээһиммитин үс чаастан саҕалаатыбыт. Дьиэлээх хаһаайыннар тэрээһини арыйдылар. Олохтоох хомоҕой хоһоонньуттара Азарова.Надежда Егоровна — Алаас Хотун саҥа буруолуу сылдьар Кыайыы 80 сылыгар анаммыт «Ахтан, санаан ааһыаҕын» ис-киирбэх хоһоонун олус сэргэхтик, истиҥник ааҕан иһитиннэрдэ. Искра, Салбан нэһилиэгин библиотекатыгар ыалдьыт дьоҥҥо хомуурунньук хоһоонун кинигэтин бэлэх уунна. Хоһоону, ырыаны тылбаастаан ааҕар идэлээх «Чэчир» сынньалаҥ киин үлэһитэ Васильева Анисья Николаевна олус диэн бэккэ тылбаастыырын, тыла-өһө хомоҕойо, олус сөпкө сааһыланан тахсарын олус биһирээтибит. Талааннаах дьонноох Өргөлөөх дьонугар ситиһиини, доруобуйаны баҕардыбыт, талааннара өссө да арылла туруо диэн эрэнэбит. Искра ыалдьыта кып кыра эрдэҕиттэн инстаграмм, вадсап ситиминэн биллибит, билигин үһүс кылаас үөрэнээччитэ Дьяконов Дамир «Хайыһар» ырыанан олохтоохторго эҕэрдэтин уунна. Кырачаан киһибит долгуйан ылла, ол да буоллар хорсуннук ырыатын бүтэһигэр диэри ыллаан тиэртэ. Таастаах, Искра библиотекарь кыргыттара, Салбаҥ бэтэрээнин сэбиэтин салайааччыта Корякина П. П бэйэлэрин нэһилиэктэрин сырдаттылар, Аҕа дойду сэриитигэр, уот кутааҕа хорсуннуу охсуспут олохтоох буойун саллааттарын сиһилии кэпсээтилэр, билиһиннэрдилэр. Ол кэннэ оҕолор Тургутук оонньотулар, билиилэрин хаҥаттылар. Бириистээх миэстэҕэ тиксэн үөрдүлэр-көттүлэр. Оҕолорбутугар ,,Доҕордуу,эйэлээх» буолун диэн тураммыт доҕордоһуу Тордунан, минньигэс астарынан күндүлээтибит. Кыттыыны ылбыт оҕолорбут, учууталлар , ыалдьыттар сонун син тугу эмэ билэн- көрөн, сэргэхсийэн, тарҕастахтара. Саха киһитэ былыр былыргаттан сонуну, саҥаны билиэн көрүөн баҕарара хааммытыгар баар. Киһи кыраны даҕаны биллэҕинэ, көрдөҕүнэ билиитэ элбиир, бэйэтэ сайдар. Олус бэркэ күүлэйдэппиккитигэр, көрсүбүккүтүгэр барҕа Махтал ыаллыы олорор Таастаах, Искра библиотекарь кыргыттарыгар, нэһилиэгин олохтоохторугар.