Салбанская сельская библиотека

Олунньу ыйга нэһилиэкпитигэр «Дарите книги с любовью» Х-с төгүлүн бүтүн Арассыыйа үрдүнэн ыытыллар  акцияҕа кытыынны ыллыбыт. Ыйдааҕы түмүгүнэн,  уопсайа уонтан тахса биирдиилээн киһи уонна Уһуйааммыт улахан, орто сүһүөх иитиллээччилэрэ кинигэ бэлэх ууннулар. Иитээччилэр Т.А.Ощепкова, Местникова М.А.  Бастакы кылаас үөрэнээччилэрэ, учууталлара Слепцова Г.Г. үөрэ – көтө акцияҕа кытыннылар. Нэһилиэк биир көхтөөх, киэҥ туттар түөлбэтэ «Кырдал ыала» кыттыыны ыллылар. Библиотека пуондата хаҥыырыгар интириэстээх, дьон сылдьыытын көҕүлүүр, үтүө холобуру көрдөрөр энтузиаст, күүс – көмө, тирэх дьоннордоохпутунан киэҥ туттабыт уонна  акцияҕа кыттыыны ылбыккытын иһин истиҥ махталбытын тиэрдэбит. Уопсайа 45 кинигэ бэлэхтэннэ.

    Нэдиэлэ иккис күнүн ахсын Уһуйаан оҕолоругар тэттик тэрээһиннэри оҥоробут. Оҕо кыра эрдэҕиттэн ааҕар дьиэҕэ сылдьа үөрэнэрин, кинигэ диэн умсугутуулаах, наадалаах буоларын үөрэтэр сыалтан, оҕо сүрэҕин астарбатын, надоел буолбатын ситиһэ сатыыбыт. Кинигэ эрэ көрдөрбөккө толкуйдуур, тобулар, өйдөрүн үлэлэтэр туһуттан кыптыыйынан кырыйа, клейынан, кыраасканнан, араас материаллары  туһанарга үөрэтэммит  открыткалары, бэлэхтэри оҥотторобут. Ийэлэр, эбээлэр, кыргыттар күннэригэр,, Ийэбэр, эбээбэр бэлэх,. Нэһилиэкпит күнүгэр ,, Мин төрөөбүт түөлбэм,, диэн уруһуй уруһуйдаатыбыт.Бу уруһуйдарынан выставкаҕа кыттыахтара.