Салбанская сельская библиотека

Бүгүн ааҕар дьиэбитигэр алын кылаас оҕолоругар анаан «Кыра киһи хорсун быһыыта» диэн Аҕа дойду сэриитин Герой -оҕолоругар аналлаах библиотечнай уруок буолла. Уон икки эрбэй-сэрбэй оҕолор учууталларын Слепцова Г. Г салалтатынан бэрээдэктээхтик сааһыланан олорон уруокпутун саҕалаатыбыт. Герой — оҕолортон Валя Котик туһунан, кини кылгас кэмҥэ олорон ааспыт олоҕун, байыаннай дьайыыларын, геройдуу охсуһуутун туһунан билиһиннэрдибит. Валя Котик туһунан кэпсээбит билиилэрбитин хаҥатан, ыйытыыларга эппиэттээтилэр. Ону таһынан нэһилиэкпитигэр билигин баар Сэрии кэмин оҕотун, Тыыл ветераннарын билиһиннэрдибит. Олус болҕомтолоохтук олорон истибит оҕолор чобуотук эппиэттэһэн үөртүлэр. Баралларыгар кинигэ көрөн, истэн билиилэрин хаҥатаары кинигэ суруйтаран ылан бардылар. Бу үөрэх сылыгар
Герой оҕолорбут тустарынан биирдии билиһиннэрэн библиотечнай уруок оҥоруохпут диэн быһаарыстыбыт. Өссө интириэһиргииллэрин курдук тупсаран биэрдэххэ (призентациялаан, видео киинэлээн) олус үчүгэй буолуо эбит диэн санааҕа киирдибит.
Оҕолорбут инники кэскиллэрбит, «сэрии,, диэн ынырык тылы, кэми биһиги эрэ кэпсээммититтэн, кинигэҕэ , хартыынаҕа эрэ баары көрөн, билэн эрдэхтэрэ. Кинилэр үрдүлэригэр куруутун ыраас күннээх халлаан, эйэлээх олох буола турдун.