Олунньу 8 күнүгэр Ахтар, саныыр Салбанын нэһилиэгэр Төрүччүтүн үөрэтэр, билэр сыаллах-соруктаах биир дойдулаахтарыгар Саха ереспүүбүлүкэтин үөрэхтээһинин туйгуна, Учууталлар учууталлара, үөрэнээччилэр биһирэбиллэрин ылбыт учуутал Раиса Семеновна Протопопова олус истиҥ көрсүһүүнү, ахтыы күнүн оҥорон сэргэхситэн, ыалдьыттаан кэлэн барда. Аҕа саастаах көлүөнэ дьоммут төрүччүлэрин ырытан, ахтан ийэлэрин,аҕаларын, аймахтарын, алаастарын, тыаларын санааларынан кэрийэн олус сэргэхсийдилэр, үөрдүлэр. Раиса Семеновна истиҥ-иһирэх тылларынан биир дойдулаахтарыгар, ыалдьыттаан барбытыгар санаатын үллэстэр, дьонугар-сэргэтигэр махталын тиэрдэр:

10.02.2025
41
нет

Новости

» Бэҕэһээ аймах оҕолору кытта дойдубар Салбаҥҥа айаным аартыга арыллан, табыллан ыалдьыттаан кэллим. Маҥнай тиийээт музей дьиэтигэр сырыттыбыт. Музей нэһилиэк историятын сааһылаан инники көлүөнэ умнубатын туһугар улахан суолталааҕын өйдөөн Дария Афанасьевна ылсан үлэлиир эбит. Киниэхэ барыбыт аатыттан барҕа махтал. Салгыы Егор Егорович Сысолятиҥҥа ыалдьыттаатыбыт. Биһиги дьоммут туһунан тугу өйдүүрүн кэпсээтэ, сылаас чэйинэн күндүлээтэ. Инникитин сибээс тутуохпут диэн кэпсэтистибит. Барҕа махтал Гошаҕа.

Салҕыы Балаҕаҥҥа тиийдибит. Биһиги бастакытын аҕыйах ыалга сылдьар курдук санаалаах этибит. Ону убаастыыр эдьиийбит Прасковья Корякина, дьүөгэм Ольга Гаврильева көҕүлээн элбэх киһини түмэн ордук таһаарыылаах буолла биһиги сорукпут. Онон кинилэргэ барҕа махтал

Балаҕан хаһаайкалара Настя, Аанчык кэлэн остуол тардан түбүгүрэ сылдьаллара, уонна көмөлөһө кэлбит эдьиийдэр, балтылар бары көмөлөөн толору мааны астаах остуолу тардан кэбистилэр

Библиотека салайааччыта Саргылана Кирилловна сүрдээх үчүгэй историяны кэпсиир кинигэлэр быыстапкаларын аҕалан дьон бары да сэргээн көрдүлэр, ону таһынан Салбаҥ историятыгар сыһыаннаах викторина оҥорбутугар Аркадий Гаврильев элбэх билиилээҕин көрдөрдө

Зинаида Петровна өссө ырыа ыллаан көрсүһүүнү өссө киэргэттэ

Егор Егорович Касьянов хоһоон ырыа айааччы буола сайдыбыт

Салбаҥнары өссө биир хоһоонньут, айааччы уһуйуллан үөскээбитинэн эҕэрдэлиибин. Өссө да төрөөбүт сирбитигэр талааннар арылла турдуннар диэн баҕа санаабын этэбин

Миэхэ 2 хоһоонун ааҕарбар көҥүл биэрэн, дуоһуйа толордум, аахпыппыттан астынным

Сүрдээх истиҥник ахтыы оҥорбут(успейдаан

, бириэмэбит ыгым буолан сорохтору кыайан истибэтибит) убайдарбар Савваҕа,Егорга,Сааскаҕа, дьүөгэлэрбэр Ольгаҕа, Зинаҕа,Наташаҕа барыгытыгар барҕа махтал