Салбанская сельская библиотека

   Уһуйааммыт иитээччилэрин сүбэ кэпсэтиилэринэн  нэдиэлэ иккис күнүн ,, Библиотека күнэ,, оҥоруоҕун диэммит. Бу нэдиэлэбитигэр  «“Хаар киһи„ устуоруйата»  тэрээһин оҥордубут. Хаар киһи төрөөбүт күнүн тоҕо бастакы ый 18 чыыһылата диэбиттэрин, тоҕо атын чыыһыланы талбатахтарын устуоруйатын кэпсээтибит. Оҕолор бэйэлэрин туттар-хаптар, толкуйдуур, үөрэнэр ньымаларын тургутан хаар киһи окрыткатын  оҥоттордубут. Урукку эһээлэрэ, эбээлэрэ көрбүт ойуулуктарын көрдүлэр.

Ыйын ахсын З.П.Сивцева салайан ыытар   «Эбээ үөрэҕэ» сиэр-туом, айыы үөрэҕэ буолан ааспыта. Бу үөрэххэ тэрилтэ үлэһиттэрэ, түмсүүлэр эбиһээт кыттыыны ылар эбээһинэстээхпит. Эбээлэр саба түһэн, түмсэн, сүбэлэһэн оҥорордохпутуна оҕолорбутугар, кэлэр кэнчээри ыччаттарбытыгар бэйэбит өбүгэбит,төрүппүт сиэрин-туомун  кэлэр көлүөнэ билэрин, Саха норуота буоларбытын өйдүүллэрин, билэллэрин ситиһиэхтээхпит уонна үйэтитиэхтээхпит. Бу ый Одун Хаан ыйа туох сиэрдээҕин туомнааҕынЗинаида Петровна  кэпсээтэ, тургутук оҥордо. Бэйэтэ айылгылаах, эмтиир дьоҕурдаах, алгыска үөрэнэ сылдьар Сардаана – Харахсаана(Охлопкова С.Е) ыалдьыттаата, сахалыы халандаар туһунан билиһиннэрдэ,оҕолор олус интириэһиргээн, болҕойон иһиттилэр. Ветеран сэбиэтин салайааччыта олохтоох ини-биилэр Аҕа дойду сэриитигэр барбыттарын, Кыайыыны уһансыбыт бэтэрээн дьоммут Ийэлэрин мэтириэттэрин туһунан кэпсээтэ.

Олунньу 27 чыыһылатыгар киэн туттар биир дойдулаахпытын «Салбаҥтан тахсыбыт Саха чулуу уола» диэн биир дойдулаахпыт, Саха Республикатын Ил Түмэнин бастакы Бэрэссэдээтэлэ, Государственнай Дума депутата, биллиилээх судаарыстыбаннай уонна политическай диэйэтэл —   Е.М.Ларионов «Олох кырдьыга» кинигэтин үһүс туомун арыйыытын тэрээһинэ Г.И.Кривошапкин аатынан «Эйгэ» норуот айымньытын  киинигэр көхтөөхтүк, тэрээһиннэхтик  буолан ааста. Нэһилиэкпит Аҕа баһылыга С.П.Аргунов, Орто оскуола-сад директора И.А.Данилов, Тыа хаһаайыстыбатын туйгуна, Салбаҥ ытык киһитэ С.П.Корякин кыттыыны ыллылар. Ветеран сэбиэтин салайааччыта, өр сылга олохтоох библиотекаҕа библиотекардаабыт,  үлэ ветерана П.П.Корякина Е.М.Ларионов кинигэлэрин билиһиннэрдэ, ис тутулун кэпсээтэ.Е.М.Ларионов  аатынан Орто оскуолабыт оҕолоро эҕэрдэ нүөмэрдэринэн киэргэттилэр.2025 сылга  Ларионовскай ааҕыыга Лауреат аатын ылбыт 5-с кылаас үөрэнээччитэ Сивцев Даниэль «Е.М.Ларионов оҕо сааһынан айан » докладын ааҕан иһитиннэрдэ.