Салбанская сельская библиотека

     Бу күн, үөрэх бириэмэтигэр 3 кылаастан 8-с кылааска дылы оҕолор Республиканскай дьыктааҥҥа көхтөөхтүк кытыннылар. Дьыктааммытын иилээн – саҕалаан, саха тылын уонна литературатын учуутала Касьянова Татьяна Васильевна суруйтарда. Татьяна Васильевна библиотека үлэтигэр куруутун, күүс –көмө, тирэх, сүбэһит ааҕааччыбынан биллэр.3-эн 8-ка диэри барыта 18 үөрэнээччи суруйда, оттон Данилова Доминика 4-үс кылаас, Сидорова Санаайа 5 кылаас уонна Касьянова Вика 8-ыс кылаас үөрэнээччилэрэ туйгун ,,5‟ сыанаҕа суруйдулар.  

   Үөрэх кэннэ Сахалыы суругу – бичиги төрүттээбит тыл уонна сурук-бичик күнүгэр аналлаах  оскуола оҕолоругар «Тылбыт биһиги устуоруйабыт» медиа-уруок буолла. Сахаларга суругу бичиги киллэрбит, төрүттээбит лингвист-учуонай С.А.Новгородов олоҕун, үлэтин  перезентация нөҥүө, көрдөрдүбүт, билиһиннэрдибит. Бэтэрээн сэбиэтин салайааччыта Кыайыы 80-с сылын түбүгүнэн Нам улууһун Кыайыы кинигэлэрин,  ,,Ааллаах Үүн,, таһаҕасчыттарын кинигэтин кэпсээтэ. Төһө да 80 сыл аастар күн бүгүнүгэр диэри сураҕа суох сүппүт саллааттар кырамталара, көмүллүбүт сирдэрэ булулла турарынан, сураҕа суох сүппүт биир дойдулаахтарын чинчийэн көрдьүүр үлэҕэ ылсыһан үлэлииргэ этии киллэрдэ. Хайдах? Туохтан? Саҕалаан үлэҕэ ылсалларыгар сүбэ-ама биэрдэ.ити курдук медиа – уруокпут сэргэхтик ааста.

   Ол кэннэ 3-чаастан олохтоох балаҕаммытыгар Төрөөбүт тыл, сурук – бичик күнүгэр сылын ахсын ыытыллар Республиканскай дьыктааммытыгар бэйэлэрин туругурдан, бэрибиэркэлэнэн көрүөн баҕаалаах дьоннорбут мустан ,, Толугур алаас,,  Амма Аччыгыйа Чүөчээски кэпсээниттэн быһа тардыы текстаах дьыктааны суруйдулар. Уопсайа 24 киһи кыттыыны ылла. Кыра нэһилиэнньэ , аҕыйах ахсааннаах дьоммутугар бу улахан ситиһии. Дьоммут, олохтоохторбут куттаммакка, чаҕыйбакка бэйэлэрин тургутунан көрөллөрүттэн олус үөрэбит, киэҥ туттабыт, махтанабыт. Куруутун маннык ыытыллар араас тургутуктарга, тэрээһиннэргэ  кыттыыны ылалларыгар ыҥырабыт.

   Төрөөбүт тыл, сурук — бичик күнэ Салбан нэһилиэгэр, тэрилтэлэргэ барытыгар олус сэргэхтик, көхтөөхтүк, көрдөөхтүк ааста. Сахабыт төрүт тылын өрө тутар буоллахпытына Саха  омуга Аар Саарга аатырыа, Аата ааттаныа!