Салбанская сельская библиотека

«Эйгэ» норуот айымньытын үлэһиттэрэ директор Касьянова А.А, уус-уран салайааччылар Ильина М.Д, Нератова С.К 2020 сыллаахха «Кыайыыга Дьулус» өй-толкуй күрэҕин проегын торумнаан олоххо киллэрбиттэрэ номнуо биэс сыл ааһа охсубут. Ол саҕана Улуу Кыайыы 75 сылыгар анаан тэрилтэннэн күрэхтэһиннэрэн саҕалаабыттара. Хас сыл ахсын анаммыт сылга анаан, тематын талан, ырытан олус көхтөөх, сэргэх күрэхтэр буолуталаабыттара. Быйылгы өй — толкуй «Кыайыыга Дьулус» күрэх көлүөнэлэринэн буолан бу сыл тухары ыытыллан түмүктэниэхтээх. Бүгүҥҥү «Кыайыыга Дьулус» күрэх «*Сахалыы сурук — бичик* » күнүнэн төрөөбүт тыл тула буолла. Көлүөнэттэн үстүү киһилээх хамаанда тэриллэн, алта түһүмэхтэн турар сорудахтааах оонньуу көхтөөхтүк, күргүөмнээхтик ааста. Бириэмэлэрин билбэккэ да хааллылар. Маннык өй-толкуй оонньуутун, күрэҕин олохтоохторбут олус сөбүлүүллэр уонна биһирииллэр. Ол иһин даҕаны бу проекпыт бэһис төгүлүн ыытыллан эрдэҕэ. Бу иккис оонньууга Орто саастаахтар тэҥнээхтэрин булбатылар. Субу билиҥҥи кэм, бириэмэ, сайдыы саамай ортоку саастаахтарга сөптөөх курдук буолан таҕыста. Аҕам саастаахтар сайдыыны, саҥа сүүрээни ыараханнык, бытааннык ылыналлара биллэр. Эдэрдэр бириэмэлэрэ өйдөрө, санаалара өссө да ылына үөрэнэ илик курдук. Сахабыт кэрэ эриэккэс тылын сайдыытын ылынан үөрэтиэҕин, билиэҕин. Саха тыла, норуот баайа буоларын умнумуоҕун! Аныгыс «Кыайыыга Дьулус» өй-толкуй оонньуутун кэтэһэ күүтэбит.