Салбанская сельская библиотека

Төрөөбүт Сахам тылын Сүмэтин ылынан, Мин Саха буоламмын, Сахалыы саҥарабын, ааҕабын, суруйабын! Салбан нэһилиэгэ Сахалыы Сурук-бичик күнүн сэргэхтик көрүстэ. Бастакы күнүгэр «Кыайыыга Дьулус» өй-толкуй күрэҕин ыыппыта, иккис күнүгэр « Сахалыы дьыктаан» суруйдубут. Дьоммут бэйэлэрин билиилэрин тургутуна, таба суруйууларын бэрибиэркэлэнээри уон киһи муһунна. Дьыктааммытын саҕалыах иннинэ Саха суруйааччыларын хоһоонноруттан сөбүлээбит хоһооннорун олус истиҥник, иэйэн туран аахтылар. Дьыктааммытын Орто оскуола Английскай тылын учуутала Дмитрий Григорьевич Местников иилээн-саҕалаан ыытта. Дьыктаан балаһынньатын билиһиннэрдэ, тексты бүтүннүү ааҕан иһитиннэрдэ. Чуумпу киэҥ, сырдык ыраас кулууппут файйетыгар сэлэлии тардыллыбыт остуолга, холкутук олорон суруйан саҕалаатыбыт. Дьоммут олус болҕомтолоохтук олорон, оскуола оҕотунуу, ол кэмнэри санаан бэйэ -бэйэбитин аргыый, сэмээр көрсө- көрсө суруксуттаан түмүктээтибит. Төһө да аҕыйах киһи кытыннар күө-дьаа, үөрэн-көтөн тарҕастыбыт . Бары кыттыбыт нэһилиэгим дьонугар барҕа махтал буолуохтун. Аныгыс Сахалыы Дьыктааҥҥа өссө биир бээбит икки буолуоҕун, элбиэҕин диэн ыҥырабын. Элбиэхпит диэн эрэнэбит.