Салбанская сельская библиотека

Муус устар 26 күнүгэр XIV сылын ыытыллар Библионочь -2025 Российскай акцияҕа Салбан библиотеката кыттыыны ыллыбыт. Хаар ууллан, уу-хаар, бадараан тахсан нэһилиэкпит иһигэр сатыы сылдьарга ыарахаттардаах буолан, бу күн үөрэх дистанционна буолан оҕобут сылдьыыта аҕыйаата. Ол да буоллар буолуохтаах тэрээһин ыытыллыахтаах. 12:00 чаастан Орто сүһүөх оҕолоругар ,,Улуу Кыайыы дуораана,, Библиоквизка кэлэн кыттыыны ыллылар. «Кыайыы диктанын» оҥорон билиилэрин хаҥаттылар. Блиц -ыйытыкка эппиэттээтилэр, ребус тааһаардылар, пазл хомуйдулар. ,, Бары бииргэ, доҕордуу буолун» диэн тураммыт минньигэс приз туттардыбыт. Оҕолор үөрүүлэрэ , махталлара үгүс.

13:00 чаастан алын кылаас оҕолоругар ,,Эҕэрдэ, Эйиэхэ бэтэрээн,, тэрээһиммитигэр ,,Георгиевскай лента,, диэн тугун, туох суолталааҕын билиһиннэрии, кэпсэтии. Пазл хомуйуутугар күрэхтэһии буолла. Биир сыалбытын, ветераннарбытыгар бэлэх открытка оҥоруутун оҕо аҕыйаҕынан оҥорботубут. Аҕыйахпыт диэбэккэбит суок, минньигэс ыланнар кырачаан кылаастарбыт үөрэ-көтө махтанан тарҕастылар.

14:00 чааска ,, Ахтан санаан ааһыаҕын аҕаларбытын,, аҕа саастаах көлүөнэ мустаннар остуол тула олорон сэлэстилэр, кэпсэттилэр. Уһуйаан иитээччитинэн үлэлиир П.М.Ефимова аҕата сэриигэ сылдьан уруһуйдаабыт уруһуйдарын аҕалан көрдөртөөтө, сиһилии кэпсээтэ. ,,Олох кырдьыга» Видеоархивпар биир материал эбилиннэ. Ол кэннэ түөскэ анньынар георговскай лента значогун оҥордубут. Дьиэҕэ олорор саастаах дьон маннык тэрээһиҥҥэ сылдьалларын олус сөбүлүүллэр, Сэргэхсийэллэр, сынньаналлар. Актыыбынайдык кытталлар. Нэһилиэкпит саамай тутаах ытыктанар, убаастанар дьонноро аҕа саастаах көлүөнэ.