Салбанская сельская библиотека

«Үтүө киһи буола улаат» диэн уһуйааммыт улахан уонна орто иитиллээччилэригэр үөрэтии чааһа буолла. Оҕолорбут олус кырачаан да буоллар куһаҕаны үчүгэйи билиҥҥэттэн араараллар. Уоруйах уонна сымыйаччы буолуман, саамай оҕоҕо, киһиэхэ куһаҕан быһыы-майгы, кэмэлдьи ол буолар диэн үөрэтиини, билиини бардыбыт. «Маннык сөп дуо?» диэн «Үрүйэчээн,, кинигэттэн тэттик кэпсээни аахтыбыт. Пазл хомуйдубут. Дьиэлэригэр илдьэ баран кыраскалыыр, кырыйан оҥорор, кумааҕы куукулалары биэртэлээтибит. Приз тутан, үөрдүлэр көттүлэр. Үтүө дьон буола улаатыаххыт, элбэх атастардаах, доҕоттордоох, дьон-сэргэ сөбүлүүр дьоно буолуоххут диэн түмүктээтибит. Кырачааннарбыт биһиэннэрэ инники кэскиллэрбит, эрэллэрбит буоллаҕа.